БУДЕКТОН

ТАРКИБ

Дар 1 капсула :

Будесонид 200/400 мкг.

НИШОНДОДҲО 

·  астмаи бронхиалӣ, ки табобати нигоҳдорандаро бо глюкокортикостероидҳо талаб мекунад; 

·бемории музмини обструктивии шуш (ХОБЛ).   

ТАРЗИ ИСТИФОДА ВА МИҚДОР 

Будектон танҳо барои истифодаи ингалятсионӣ пешбинӣ шудааст. Капсулаҳоро фурӯ бурдан манъ аст; онҳо танҳо бо дастгоҳи ингалятсионӣ истифода мешаванд. Капсула бояд бевосита пеш аз истифода аз блистер бароварда шавад.

1 миқдор (200 мкг ё 400 мкг) ба 1 ингалятсия мувофиқ аст.

Миқдорҳо инфиродӣ интихоб карда мешаванд вобаста ба вазнинии беморӣ ва ҷавоби клиникӣ. Миқдори и шабонарӯзии тавсияшаванда 200–1600 мкг мебошад. Пас аз ба даст овардани таъсири табобатӣ, вояи нигоҳдорандаи камтарин самаранок таъин карда мешавад.

Калонсолон ва кӯдакони ≥12 сола: 200 мкг 1–2 маротиба дар як шабонарӯз (ҳадди аксар — 1600 мкг/рӯз).

Кӯдакони 6–12 сола: 200 мкг 1–2 маротиба дар як шабонарӯз (ҳадди аксар — 800 мкг/рӯз), таҳти назорати калонсолон.

Дору барои истифодаи мунтазам ва дарозмуддат пешбинӣ шудааст.

Ҳангоми гузариш аз ГКС-и пероралӣ, қатъкунии онҳо бояд тадриҷан анҷом дода шавад.

ҲОБЛ: 400 мкг 2 маротиба дар як шабонарӯз.

Дар ҳолати шиддатёбӣ метавонад ислоҳи воя ва/ё табобати антибактериалӣ лозим шавад.

Дастури кӯтоҳ оид ба истифода:

Капсула ба дастгоҳ гузошта шуда, як маротиба сӯрох карда мешавад, сипас нафаси чуқур гирифта мешавад. Пас аз ингалятсия нафас нигоҳ дошта мешавад. Дар ҳолати зарурат такрор карда мешавад. Капсулаи холӣ хориҷ шуда, дастгоҳ бо матои хушк тоза карда мешавад.

шАКЛИ БАРОРИШ

 Капсулаҳо бо хока барои ингалятсия №60.

ХОСИЯТҲОИ ФАРМАКОЛОГӢ

Будесонид глюкокортикостероиди синтетикӣ барои истифодаи ингалятсионӣ мебошад, ки таъсири системавии кам дорад. Таъсири зиддиилтиҳобӣ, зиддиаллергӣ ва иммуносупрессивӣ дорад.

Механизми таъсир:

• • афзоиши синтези липокортин ва боздории фосфолипаза A2; 
  • кам кардани ташаккули кислотаи арахидонӣ ва простагландинҳо; 
  • коҳиши мигратсияи ҳуҷайраҳои илтиҳобӣ (нейтрофилҳо, макрофагҳо); 
  • кам кардани цитокинҳо ва экссудати илтиҳобӣ; 
  • устувор намудани ҳуҷайраҳои маст ва боздории медиаторҳои аллергӣ. 

Ҳассосияти β2-адренорецепторҳоро зиёд мекунад, гиперреактивии бронхҳоро кам мекунад, варами луобпарда ва истеҳсоли балғамро коҳиш медиҳад, клиренси мукоцилиариро беҳтар мекунад.

Таъсири табобатӣ дар давоми чанд соат оғоз шуда, ҳадди аксар пас аз 1–2 ҳафта ба даст меояд. Истифодаи мунтазам илтиҳоби роҳҳои нафасро кам ва шиддатёбии астмаро пешгирӣ мекунад.

Фармакокинетика:

 Пас аз ингалятсия зуд ҷаббида мешавад, Cmax тақрибан дар 30 дақиқа мерасад. Биодастрасӣ ~73%. Бо сафедаҳои плазма 88% пайваст мешавад.

Дар ҷигар (CYP3A4) ба метаболитҳои ғайрифаъол табдил меёбад. Нисфи ҳаёт ~2,8 соат. Аз пешоб ва рӯда хориҷ мешавад. Дар бемориҳои ҷигар консентратсия метавонад зиёд шавад.

ЗИДНИШОНДОДҲО

Ҳассосияти баланд ба ҳар як компоненти дору; шакли фаъоли сил (туберкулёз); кӯдакони то 6-сола.

ТАЪСИРҲОИ НОМУСОИД

Аз ҷониби системаи эндокринӣ: кам — фурӯнишонии кори қишри ғадуди болои гурда, синдроми Кушинг, гиперкортицизм, таъхири афзоиш дар кӯдакон ва наврасон.

Аз ҷониби узви биноӣ: кам — катаракта, глаукома.

Аксуламалҳои аллергӣ: кам — ҳассосият, донача, уртикария, ангионевротикӣ варам, хориш.

Аз ҷониби системаи асаби марказӣ: кам — рафтори ғайримуқаррарӣ, аз ҷумла депрессия (дар кӯдакон тавсиф шудааст).

Аз ҷониби системаи устухон ва мушак: камшавии зичии минералии устухон.

Аз ҷониби системаи нафаскашӣ: бисёр вақт — сулфа; кам — бронхоспазми парадоксалӣ, кандидоз дар даҳон ва ҳалқ, таҳрики гулӯ, дисфония (пас аз қатъ ё кам кардани воя бартараф мешавад).. 

ТАЪСИРРАСОНИ БО ДИГАР ДОРУҲО 

Бо сабаби консентратсияи хеле пасти системавии будесонид пас аз истифодаи ингалятсионӣ, таъсири мутақобилаи клиникии муҳим бо дигар доруҳо кам эҳтимол дорад.

Аммо ҳангоми истифодаи якҷоя бо ингибиторҳои CYP3A4 (итраконазол, кетоконазол, ритонавир, нелфинавир, амиодарон, кларитромицин) метаболизми будесонид коҳиш ёфта, консентратсияи системавии он зиёд шуда метавонад. Дар ин ҳолат назорати кори қишри ғадуди болои гурда ва ислоҳи воя зарур аст.

Индукторҳои CYP3A4 (рифампицин, фенобарбитал, фенитоин) метаболизмро зиёд ва консентратсияи будесонидро кам мекунанд.

Метандростенолон ва эстрогенҳо метавонанд таъсири будесонидро тақвият диҳанд.  

 ДАСТУРҲОИ МАХСУС

Беморон бояд огоҳ карда шаванд, ки дору барои табобати профилактикӣ истифода мешавад ва барои қатъ кардани ҳамлаҳои шадиди астма пешбинӣ нашудааст.

Ҳангоми пайдо шудани бронхоспазми парадоксалӣ истифодаи дору фавран қатъ карда шуда, ҳолати бемор арзёбӣ карда мешавад ва табобати алтернативӣ таъин мегардад. Барои рафъи бронхоспазм бояд β2-агонистҳои кӯтоҳтаъсир истифода шаванд. Беморон бояд доруи ёрии таъҷилӣ ҳамеша дар даст дошта бошанд.

Дар ҳолати бад шудани ҳолат (зиёд шудани нафастангӣ ё эҳтиёҷ ба бронходилататорҳо) муоинаи тиббӣ ва бознигарии табобат зарур аст.

Барои пешгирии кандидози даҳон ва ҳалқ даҳон баъди ҳар ингалятсия бо об шуста шавад. Дар ҳолати сироят табобати зиддифунгалӣ бе қатъи дору имконпазир аст.

Дар кӯдакон ва наврасон афзоиш бояд мунтазам назорат карда шавад. Ҳангоми сустшавии афзоиш кам кардани воя то ҳадди самараноки минималӣ ва машварати мутахассис зарур аст.

Истифодаи дарозмуддат ё вояҳои баланд метавонад таъсирҳои системавӣ ба вуҷуд орад.

Ҳангоми гузариш аз ГКС-и системавӣ ба ингалятсионӣ мумкин аст нишонаҳои қаблан пахшшуда (ринит, экзема, дарди мушакҳо ва буғумҳо, дилбеҳузурӣ, қайкунӣ) пайдо шаванд.

Истифода дар ҳомиладорӣ ва ширдиҳӣ танҳо дар ҳолати бартарии фоида нисбат ба хатар иҷозат дода мешавад.

Ба кӯдакони то 6-сола тавсия дода намешавад.

Маълумот дар бораи таъсир ба идоракунии нақлиёт мавҷуд нест.