УЛСЕПАН

ТАРКИБ

Дар 1 ҳаб:

пантопразол — 40 мг.

НИШОНДОДҲО 

·  захми меъда ва рӯдаи дувоздаҳангушта; 

·  осебҳои эрозивӣ ва захмии меъда ва рӯдаи дувоздаҳангушта, ки бо истифодаи доруҳои зиддиилтиҳобии ғайристероидӣ (НПВС) вобастаанд; 

·бемории рефлюксии гастроэзофагӣ (ГЭРБ): 

• • табобати эзофагити эрозивӣ; 
  • табобати симптоматикии бемории рефлюксии ғайриэрозивӣ (НЭРБ); 

·  ҳолатҳои гиперсекретории патологӣ, аз ҷумла синдроми Золлингер–Эллисон; 

·нест кардани (эрадикацияи) Helicobacter pylori (дар якҷоягӣ бо табобати антибактериалӣ).   

ТАРЗИ ИСТИФОДА ВА МИҚДОР 

• • Тазриқи дохиливаридӣ танҳо дар ҳолате истифода мешавад, ки қабули пантопразол аз роҳи даҳон имконнопазир бошад. 
  • Таблеткаҳо аз роҳи даҳон, новобаста аз хӯрок, қабул карда мешаванд. 

Захми меъда ва рӯдаи дувоздаҳангушта:

• • 40–80 мг дар як шабонарӯз. 
  • Давомнокии табобат: 
  • захми рӯдаи дувоздаҳангушта — 2–4 ҳафта; 
  • захми меъда — 4–8 ҳафта. 

Осебҳои эрозивӣ ва захмӣ вобаста ба НПВС:

• • 40–80 мг дар як шабонарӯз. 
  • Давомнокии табобат — 4–8 ҳафта. 

Бемории рефлюксии гастроэзофагӣ (ГЭРБ):

• • 40 мг дар як шабонарӯз. 
  • Давомнокии табобат — 8 ҳафта. 
  • Дар ҳолати зарурӣ мумкин аст боз 8 ҳафта идома дода шавад. 

Табобати нигоҳдоранда:

• • 40 мг дар як шабонарӯз. 
  • Давомнокии истифода — то 12 моҳ. 

Ҳолатҳои гиперсекретории патологӣ (аз ҷумла синдроми Золлингер–Эллисон):

• • Вояи ибтидоӣ — 40 мг 2 маротиба дар як рӯз. 
  • Дар ҳолати зарурӣ то 240 мг дар як шабонарӯз зиёд карда мешавад. 
  • Давомнокии табобат — то 2 сол. 

Нест кардани Helicobacter pylori:

• • 40 мг 2 маротиба дар як рӯз дар якҷоягӣ бо доруҳои зиддибактериявӣ.

шАКЛИ БАРОРИШ

Ҳабҳо №14.

ХОСИЯТҲОИ ФАРМАКОЛОГӢ

Улсепан ба гурӯҳи доруҳои зиддизахмӣ дохил мешавад. Моддаи фаъол — пантопразол, ингибитори насоси протонӣ мебошад, ки ферменти H⁺/K⁺-АТФаза-ро бозмедорад ва истеҳсоли кислотаи меъдаро кам мекунад.

Пантопразол дар ҳуҷайраҳои париеталии меъда ҷамъ шуда, ба шакли фаъол табдил меёбад ва насоси протониро ба таври бебозгашт маҳкам мекунад. Дар натиҷа, ҳам секресияи асосӣ ва ҳам секресияи ангезишёфтаи кислотаи меъда коҳиш меёбад.

Инчунин Улсепан бар зидди Helicobacter pylori фаъол буда, самаранокии табобати антибактериалиро ҳангоми нест кардани ин бактерия зиёд мекунад.

ЗИДНИШОНДОДҲО

• • ҳассосияти баланд ба пантопразол; 
  • гепатит ё сиррози ҷигар бо норасоии шадиди фаъолияти ҷигар.

ТАЪСИРҲОИ НОМУСОИД

• • мумкин аст — дарунравӣ, дарди сар; 
  • кам — дилбеҳузурӣ, дарди қисми болоии шикам, газнокӣ, доначаи пӯст, хориш, сустӣ, чарх задани сар; 
  • дар ҳолатҳои алоҳида — варам, баланд шудани ҳарорати бадан.

ТАЪСИРРАСОНИ БО ДИГАР ДОРУҲО 

Ҳангоми истифодаи якҷоя бо доруҳое, ки ҷаббиши онҳо аз сатҳи кислотнокии (pH) меъда вобаста аст (масалан, кетоконазол), Улсепан метавонад ҷаббиши онҳоро тағйир диҳад.  

 ДАСТУРҲОИ МАХСУС

·  Пеш аз оғози табобат бояд мавҷудияти омосҳои бадсифати меъда ва сурхрӯда истисно карда шавад. 

·  Ташхиси эзофагити рефлюксӣ бояд бо ташхиси эндоскопӣ тасдиқ карда шавад. 

·Дар беморони гирифтори норасоии фаъолияти ҷигар ҳангоми табобат бояд сатҳи ферментҳои ҷигар мунтазам назорат карда шавад.