ТЕКАНАФИН

ТАРКИБ

Дар 1 мл спрей:

нафтифин гидрохлорид — 10 мг.

НИШОНДОДҲО 

Дору дар калонсолон барои табобати маҳаллии сирояти занбӯруғии пой (Tinea pedis) истифода мешавад.

Ҳангоми истифодаи дору бояд маълумоте, ки дар тавсияҳои расмӣ ва дастурҳои миллии истифодаи дурусти доруҳои зиддизанбӯруғӣ оварда шудааст, ба назар гирифта шавад.   

ТАРЗИ ИСТИФОДА ВА МИҚДОР 

• • Спрейи Теканафинро ба пӯсти тоза ва хуб хушкшудаи осебдида 1 маротиба дар як рӯз молед. 
  • Миқдори кофии спрейро ба минтақаи осебдида ва инчунин ба пӯсти солим дар ҳудуди 2 см атрофи мавзеи осеб молед. 
  • Барои пешгирии такроршавии сироят табобатро ҳадди аққал 1–2 ҳафта пас аз сиҳатшавии клиникӣ идома диҳед. 
  • Барои сироятҳои нохун, онро ду маротиба дар як рӯз ба нохуни зарардида молед. Пеш аз истифодаи аввал, бо истифода аз қайчӣ ё аррачаи нохун ҳарчи бештар аз нохуни зарардидаро тоза кунед. Давомнокии табобат барои онихомикоз то 6 моҳ аст.

шАКЛИ БАРОРИШ

Спрей барои истифодаи беруна, 20 мл.

ХОСИЯТҲОИ ФАРМАКОЛОГӢ

Фармакодинамика ва фармакокинетика

Дору барои табобати маҳаллии сирояти занбӯруғии пой (Tinea pedis) пешбинӣ шудааст; моддаи фаъол — нафтифин гидрохлорид мебошад.

Доираи фаъолият:

Нафтифин in vitro таъсири фунгисидӣ нисбат ба ангезандаҳои сироятҳои занбӯруғӣ дорад, аз ҷумла Trichophyton spp., Microsporum spp., Epidermophyton floccosum.

 Он нисбат ба занбӯруғҳои хамирмонанд (Candida), қолабӣ (Aspergillus) ва дигар намудҳо (масалан, Sporothrix schenckii) фаъолияти миёна дорад.

Ҳамчунин нисбат ба баъзе микроорганизмҳои грамм-мусбат ва грамм-манфӣ, ки аксар вақт бо сирояти занбӯруғӣ якҷоя мешаванд, фаъол аст.

Дар амалияи клиникӣ таъсири зиддиилтиҳобӣ низ дорад: хориш ва илтиҳоб зуд кам мешаванд.

Фармакокинетика:

 Ҳангоми истифода ба пӯст тақрибан 4% воя ба хун мегузарад (таъсири системӣ хеле кам аст).

 Дар плазма ва пешоб танҳо осори модда муайян мешавад.

Дору қариб пурра ба метаболитҳои ғайрифаъол табдил ёфта, тавассути пешоб ва рӯдаи ҳозима хориҷ мешавад.

ЗИДНИШОНДОДҲО

• ҳассосияти баланд ба моддаи фаъол ё ягон ҷузъи ёридиҳандаи дору;
• кӯдакон ва наврасон: бехатарӣ ва самаранокии истифодаи нафтифин дар шахсони то 18-сола муайян нашудааст (маълумот нест).

ТАЪСИРҲОИ НОМУСОИД

Басомад номаълум — хушкӣ, сурхшавӣ ва ҳисси сӯзиш.

ТАЪСИРРАСОНИ БО ДИГАР ДОРУҲО 

Тадқиқот оид ба таъсири мутақобилаи доруҳо гузаронида нашудааст.  

 ДАСТУРҲОИ МАХСУС

·  Дору танҳо барои истифодаи беруна пешбинӣ шудааст. 

·  Бояд аз расидани дору ба чашм ва луобпардаҳо худдорӣ кард. 

·  Беморон бояд дар бораи манбаъҳои сирояти занбӯруғӣ ва чораҳои дурусти гигиенӣ барои пешгирии такроршавии сироят огоҳ карда шаванд. 

·  Доруро 1 маротиба дар як рӯз ба пӯсти тоза ва хушкшудаи осебдида, инчунин ба минтақаҳои атроф молидан лозим аст, то тамоми сатҳи пӯст фаро гирифта шавад. 

·Агар дар давоми 4 ҳафта беҳбудӣ ба назар нарасад, бемор бояд ба духтур муроҷиат кунад барои арзёбии такрории табобат.