ФЕРСИНОЛ - Z

Бозгашт ба маҳсулот

"150 мг / 0,5 мг / 50 мг / 2 мг / 2 мг / 1 мг / 10 мг / 25 мг"

Шакл Капсулаҳо
Фаъол модда "Сулфати оҳан (II) / Кислотаи фолий / Витамини C / Витамини B₁ / Витамини B₂ / Витамини B₆ / Витамини PP/ Сулфати руҳ"
Шакли пешниҳод 30-то капсула
Категорияи табобат Системаи хунофари

ТАРКИБ

Дар 1 капсула:

    • Сулфати оҳан — 150 мг 
    • Кислотаи фолий — 0,5 мг 
    • Витамини C — 50 мг 
    • Витамини B1 — 2 мг 
    • Витамини B2 — 2 мг 
    • Витамини B6 — 1 мг 
    • Витамини PP — 10 мг 
    • Сулфати руҳ (цинк) — 25 мг.

НИШОНДОДҲО 

·  табобат ва пешгирии камхунии норасоии оҳан; 

·  норасоии пинҳонии оҳан; 

·  камхуниҳое, ки бо таъсирҳои гуногун ба вуҷуд меоянд (амалиёти ҷарроҳӣ, радиатсияи ионизатсиякунанда, гемодиализи дарозмуддат ва ғайра); 

·  ҳомиладорӣ ва давраи ширдиҳӣ; 

·  фаъолияти ҷисмонии шадид; 

·гипо- ва авитаминозҳо.   

ТАРЗИ ИСТИФОДА ВА МИҚДОР 

Доруро ба таври даҳонӣ бевосита ҳангоми хӯрок ё баъд аз хӯрок истифода мебаранд.

Ҳангоми камхунии норасоии оҳан — 1–2 капсула 2 маротиба дар як рӯз, ба ҳисоби миёна дар давоми 3 моҳ.

Ҳангоми норасоии пинҳонии оҳан — 1–2 капсула 1 маротиба дар як рӯз дар давоми 3–4 ҳафта.

Ба занони ҳомила аз ҳафтаи 14-уми ҳомиладорӣ — 1 капсула 1 маротиба дар як рӯз бо курсҳои 2 ҳафтагӣ ва танаффуси 1 ҳафтагӣ то таваллуд.

Дар давраи ширдиҳӣ — 1 капсула дар як рӯз. Давомнокии табобат 3–6 моҳ аст.

Пас аз ба меъёр омадани гемоглобин табобатро тақрибан 2 моҳи дигар идома медиҳанд то пур шудани захираҳои оҳан дар организм.

Пеш аз исқоти тиббӣ — 1–2 капсула дар як рӯз дар давоми 10 рӯз.

Пеш аз ҷарроҳии нақшавӣ — 1–2 капсула дар як рӯз дар давоми 2–3 ҳафта.

Дар давраи ҳайз — 1 капсула 2 рӯз пеш аз оғози ҳайз, дар тамоми давра ва 2 рӯз баъд аз анҷоми он. Давомнокии умумӣ — 10 рӯз.

Барои шахсони дорои фаъолияти ҷисмонии шадид, инчунин дар ҳолати гипо- ва авитаминоз — 1–2 капсула дар як рӯз. Курси пешгирӣ ва табобат 10 рӯз аст.

шАКЛИ БАРОРИШ

 Капсулаҳо №30

ХОСИЯТҲОИ ФАРМАКОЛОГӢ

Ферсинол Z — доруи омехтаи зиддикемхунӣ мебошад, ки барои табобати ҳолатҳои норасоии оҳан истифода мешавад. Сулфати оҳани (II), ки дар таркиби дору мавҷуд аст, норасоии оҳанро дар организм пур мекунад ва таъсири гемопоэтикӣ дорад. Он ҳамчун субстрат барои синтези метаболитҳои дорои оҳан хизмат мекунад.

Мавҷудияти комплекси оҳан бо витамини C ва витаминҳои гурӯҳи B дар гранулаҳои микродиализӣ ҷаббиш ва истифодаи оҳани ғайриҳемӣ (ионӣ)-ро беҳтар мекунад, таъсири прооксидантии онро пешгирӣ менамояд ва ба беҳтар истифода шудани сафедаҳо мусоидат мекунад.

ЗИДНИШОНДОДҲО

·  ҳассосияти баланд ба компонентҳои дору; 

·  камхуниҳое, ки бо норасоии оҳан вобаста нестанд; 

·  гемосидероз, гемохроматоз; 

·норасоии ҷигар.

ТАЪСИРҲОИ НОМУСОИД

Қабзият ё дарунравӣ, дилбеҳузурӣ, гастралгия; камтар — крапивница. 

ТАЪСИРРАСОНИ БО ДИГАР ДОРУҲО 

Кислотаҳои органикӣ, намакҳои калсий, фосфатҳо, фитин, колестирамин, инчунин доруҳои антацид ҷаббиши оҳанро бо сабаби ташаккули комплексҳои ҳалнашаванда халалдор мекунанд. Доруҳое, ки ферментҳои гадуди зери меъда доранд, метавонанд ҷаббиши оҳанро кам намоянд.  

 ДАСТУРҲОИ МАХСУС

Барои пешгирии кам шудани ҷаббиши оҳан тавсия дода намешавад, ки капсулаҳо бо чойи сиёҳ, қаҳва ё шир қабул карда шаванд. Ранги тираи наҷосат бо хориҷ шудани оҳани ҷаббида нашуда вобаста буда, аҳамияти клиникӣ надорад.