КОКАРНИТ

ТАРКИБ

Дар 1 флакон бо хокаи лиофилизатсияшуда:

Моддаҳои фаъол:

• • динатрий аденозинтрифосфат тригидрат — 10 мг; 
  • кокарбоксилаза — 50 мг; 
  • цианокобаламин (витамини B₁₂) — 0,5 мг; 
  • никотинамид (витамини PP) — 20 мг. 

Дар 1 ампулаи ҳалкунанда:

• • лидокаин гидрохлорид — 10 мг; 
  • об барои тазриқ — то 2 мл.

НИШОНДОДҲО 

·  невритҳо ва невропатияҳо (аз ҷумла дар диабети қанд, камхунии пернициозӣ ва дигар ҳолатҳо); 

·  невралгияҳои пайдоиши гуногун; 

·  миалгия, ишиалгия; 

·  лумбаго, радикулит; 

·  бурситҳо, тендинитҳо; 

·бемории ишемикии дил, миокардит, кардиомиопатия.   

ТАРЗИ ИСТИФОДА ВА МИҚДОР 

Кокарнит ба дохили мушак (в/м) дар ҳаҷми 1–2 ампула як маротиба дар як рӯз гузаронида мешавад.

Давомнокии табобат ва зарурати курсҳои такрорӣ вобаста ба хусусият ва вазнинии беморӣ муайян карда мешавад.

шАКЛИ БАРОРИШ

 Хокаи лиофилизатсияшуда барои тайёр кардани маҳлули тазриқӣ дар ампулаҳои шишагӣ.

 Маҷмӯа 3 ампулаи хокаи лиофилизатсияшуда ва ҳалкунанда — 3 ампулаи маҳлули 0,5% лидокаин гидрохлорид бо ҳаҷми 2 мл дар бастаи контурӣ-ячейкавӣ дар бар мегирад.

ХОСИЯТҲОИ ФАРМАКОЛОГӢ

Фармакодинамика

Препарати Кокарнит маҷмӯи оқилона интихобшудаи моддаҳои метаболикӣ ва витаминҳо мебошад.

Никотинамид — яке аз шаклҳои витамини PP (ниацин) буда, дар равандҳои оксидшавӣ-барқароршавӣ дар ҳуҷайра иштирок мекунад, мубодилаи карбогидратҳо ва нитрогенро беҳтар мекунад, мубодилаи липидҳоро ба танзим медарорад ва сатҳи липопротеинҳои атерогениро коҳиш медиҳад.

Кокарбоксилаза — коферментест, ки дар организм аз тиамин (витамини B1) ҳосил мешавад. Дар мубодилаи карбогидратҳо нақши муҳим дошта, ба таркиби ферментҳои карбоксилаза дохил мешавад ва реаксияҳои карбоксилкунӣ ва декарбоксилкунии α-кето-кислотаҳоро катализ мекунад. Ба таври ғайримустақим синтези кислотаҳои нуклеинӣ, сафедаҳо ва липидҳоро дастгирӣ мекунад, сатҳи кислотаи шир ва пируватро кам мекунад, истифодаи глюкозаро беҳтар намуда, ғизогирии бофтаи асабро беҳтар месозад.

Цианокобаламин (витамини B12) дар организм ба шаклҳои фаъол — аденозилкобаламин ва метилкобаламин табдил меёбад. Синтези сафедаро зиёд мекунад, мубодилаи карбогидратҳо ва липидҳоро фаъол месозад, сатҳи холестеринро паст мекунад, равғангардии ҷигарро пешгирӣ менамояд. Барои фаъолияти муътадили системаи хунсозӣ муҳим аст, устувории эритроситҳоро нисбат ба гемолиз зиёд мекунад, барқароршавии бофтаҳоро метезонад ва ба фаъолияти ҷигар ва системаи асаб таъсири мусбат мерасонад.

Динатрий аденозинтрифосфат тригидрат (АТФ) — ҳосилаи аденозин буда, равандҳои метаболикиро фаъол мекунад. Таъсири гипотензивӣ ва антиаритмӣ дошта, васеъшавии рагҳо, аз ҷумла рагҳои коронариро ба вуҷуд меорад.

ЗИДНИШОНДОДҲО

Ҳассосияти баланд (гиперҳассосият) ба ҳар кадоме аз компонентҳои дору, кудакон то 12 сола.

ТАЪСИРҲОИ НОМУСОИД

Дарди сар, чарх задани сар, тахикардия, реаксияҳои аллергӣ (уртикария). 

ТАЪСИРРАСОНИ БО ДИГАР ДОРУҲО 

Кокарбоксилаза таъсири кардиотоникии гликозидҳои дилро тақвият медиҳад.  

 ДАСТУРҲОИ МАХСУС

Маҳлул бояд фавран пас аз тайёр кардан истифода бурда шавад.

Ранги маҳлули тайёршуда бояд сурх бошад. Агар ранги маҳлул тағйир ёфта бошад, онро истифода набаред.