МУСКОМЕД

ТАРКИБ

Дар 1 капсула:

Тиоколхикозид 4 мг.

НИШОНДОДҲО 

Мускомед барои сабук кардани дардҳои спастикӣ дар ҳолатҳои зерин истифода мешавад:

• • бемориҳои дегенеративии сутунмуҳра (дорсалгия, люмбалгия ва ғайра); 
  • бемориҳои травматологӣ ва неврологӣ, ки бо спазми мушакҳо ҳамроҳ мебошанд.   

ТАРЗИ ИСТИФОДА ВА МИҚДОР 

Мускомед ба таври даҳонӣ баъд аз хӯрок қабул карда мешавад. Пеш аз истифода машварат бо духтур тавсия дода мешавад.

Вояи максималии шабонарӯзӣ 8–16 мг мебошад, ки ба 2 қабул тақсим карда мешавад. Давомнокии табобат 5–7 рӯз аст.

Ҳангоми омодагӣ ба тартибҳои физиотерапевтӣ, давраи оромшавии мушакҳо 1–2 соат пас аз қабули дору мебошад.

шАКЛИ БАРОРИШ

Капсулаҳо №20.

ХОСИЯТҲОИ ФАРМАКОЛОГӢ

Мускомед ҳамчун моддаи фаъол тиоколхикозид дорад — миорелаксантии нимсинтетикӣ, ки аз гликозиди табиии колхикозид ҳосил мешавад. Тиоколхикозид ба ретсепторҳои кислотаи гамма-аминобутирӣ (ГАМК) ва глицин интихобан наздикӣ нишон медиҳад, ки ин таъсири онро дар сатҳҳои гуногуни системаи асаб ҳангоми спазмҳои марказӣ ва периферӣ шарҳ медиҳад.

Мускомед таъсири кураремонанд надорад, фалаҷ ба вуҷуд намеорад ва ба системаи дилу раг ва нафаскашӣ таъсир намерасонад.

Фармакокинетика

Пас аз истеъмоли даҳонӣ тиоколхикозид аввал ба агликон 3-деметилтиоколхикозид (SL59.0955) метаболизм мешавад. Ин раванд дар рӯда сурат мегирад, ки набудани шакли тағйирнаёфтаи дору дар плазмаро шарҳ медиҳад. Сипас SL59.0955 ба метаболити фаъол SL18.0740 глюкуронизатсия мешавад.

Консентратсияи максималии SL59.0955 ва SL18.0740 баъд аз 1 соати қабул ба даст меояд. Пас аз як вояи 8 мг, Cmax ва AUC-и SL18.0740 тақрибан 60 нг/мл ва 130 нг·соат/мл мебошанд. Барои SL59.0955 ин нишондиҳандаҳо пасттаранд: Cmax тақрибан 13 нг/мл, AUC аз 15,5 то 39,7 нг·соат/мл.

Нимумри хориҷшавӣ барои SL18.0740 — 3,2–7 соат, барои SL59.0955 — 0,8 соат аст.

Баъд аз истеъмол тақрибан 20% бо пешоб ва 75–81% бо наҷосат хориҷ мешавад.

ЗИДНИШОНДОДҲО

·  ҳассосияти баланд ба ҳар як ҷузъи дору; 

·  гипотонияи мушакҳо; 

·  фалаҷи сабук; 

·  ҳомиладорӣ; 

·  давраи ширдиҳӣ; 

·кӯдакони то 16-сола.

ТАЪСИРҲОИ НОМУСОИД

Кам: доначаҳои пӯст, варам, реаксияҳои аллергӣ ва псевдоаллергӣ (васкулити аллергӣ), дарди меъда, дарунравӣ.

Хеле кам: гипотензия, асабоният ва хоболудӣ. 

ТАЪСИРРАСОНИ БО ДИГАР ДОРУҲО 

Маълумот дар бораи таъсири мутақобилаи доруӣ вуҷуд надорад. Аммо ҳангоми истифодаи якҷоя бо дигар миорелаксантҳо эҳтиёткорӣ тавсия дода мешавад.  

 ДАСТУРҲОИ МАХСУС

Мускомед бояд бо эҳтиёт ҳангоми вайроншавии фаъолияти гурда ё ҷигар истифода шавад. Ҳамчунин дар беморони гирифтори эпилепсия ё хатари пайдоиши ташаннуҷ (судоргаҳо) эҳтиёткорӣ лозим аст.